هام من حسين سامى

موضوع: هام من حسين سامى الجمعة مايو 14, 2010 1:44 pm

[ندعوك للتسجيل في المنتدى أو التعريف بنفسك لمعاينة هذه الصورة]

انشاء الله ده اخر يوم ليه فى المنتدى

انا بجد استمتعت بالمده الى انا كنت مشترك فيها فى المنتدى

انا بشكر كل الأعضاء والمشرفين والمشرفات وكل واحد فى المنتدى على المجهود الى عملتوه فى المنتدى

بجد المنتدى ده منتدى فوق الرائع

وانا مشفتش منتدى زى المنتدى ده

انا انشاء الله هلغى اشتراكى فى القريب

.....بس انا بجد زعلت من شويت كلام كدا بس مش هينفع اقوله علشان انا كل اما بفتكر الكلام ده بزعل اكتر

انا بعتذر على اى كلام انا قولته لأى حد فى المنتدى زعل حد منى انا اسف جدااااااااااااااااااااااااااااا

باااااااااااااااااااااااااااااى يا احلى اعضاء[ندعوك للتسجيل في المنتدى أو التعريف بنفسك لمعاينة هذه الصورة]

hussien samy

لية بس كدا يا حسين وكلام اية اللى زعلك

ياريت تنسا انك تلغى اشتراك اولا

وياريت بجد عشان خاطرى تقول اية اللى زعلك حتى لو هتمشى بعدها بس قوله عشان الكلام اللى اتقالك او اتقال عليك مش يتقال لغيرك ياريت تقوله

وفكر تانى فى قرارك دا لان اولا محدش هيلغى اشتراك

وان شاء الله يكون سوء تفاهم ومش هتمشى يا جميل

الاول ازيك ياحسين عامل ايه
منور ههههههههه
بص ياغالى
أنا مش فاهم الموضوع بتاعك لان اول مرة اشوف كلام من دا
عامة كل شخصية معرضة لأى كلام كانتقاض
او كمدح او كزم
انت تعرف لو وجودك ف المنتدى لشخص واحد ماتسيبوش علشان خاطر الشخصص دا
حتى لو الباقى او الكل بيكرهك ودى انا مش اعتقدها
انا مش بقولك كدا علشان مش تسيب المنتدى لاء
انا بقولك كدا علشان انت اى مشكلة تقابلها تحاول تحلها
لان الهروب من المشاكل مش حل
لازم مواجهة
انا مش متابع المنتدى أد كدا
بس بردو حاسس ان مافيش اى رد لأى توبيك ليك فيه اساءة ليك يعنى
وأى شخص هنا مايقدرش يغلط فى حد ياحسين لاننا هنا كلنا اخوات واى مشكلة اى شخص من اسرتنا
يتعرض ليها
قول مشكلتك او ايه الى حصل وكلنا هنحلها ياحسين

ايه يا حسين

يعني اي حد متضايق يقول الكلام ده

مينفعش يا سحس

قول على الموقف او هات لينك الموضوع و ابعته ليا او لتوتا

اهي زي ماما برضه ولا ايه؟؟؟

حسين انا هسيبك ترد علشان انا عايز امسح الموضوع

لية كدة بس يا حسين قول مين زعلك واحنا نموتهولك حتى لو كان هانى خيااااااال عادى جدا ولا يهمك انا شايفة ان كلهم معاهم حق مينفعش تسيب المنتدى كدة من غير مبرر وبعدين ان ما شاء الله عليك متميز فى موضوعاتك والكل بيحبك مينفعش تسيب الناس اللى بتحبك وتمشى بجد قول اية اللى مزعلك ولو المشكلة متحلتش وقتها ابقى اعمل اللى يرضيك بس اوعى تكون زعلان منى انا اصل انا عارفة نفسى لما بتنرفز مبشوفش قدامى وبعدين مفيش اى حاجة تستاهل انك تخليك تزعل وتسيب كل الناس اللى بتحبك دى ولا ايو يا حسين

انا هعتبر انك هتغيب علشان الامتحانات

بس مش هتسيب المنتدى ولا ايه

كلمة واحدة هترجع المنتدى يعنى هترجع وفكك من اللى بتقولة دة احنا هنفضل اكس مزيكا على طول وانت لو مشيت اكس مزيكا هتفقد بجد اعز صديق فيها عيب يا سحس متلغيش الاشتراك وكمل

اوك يا احلى اعضاء فى العالم

وطبعا كلامكم كله على راسى وانا اسف على الكلام الى انا كتبته

الى عمل المشكله دى كلها هوا رقم التليفون الى انا كتبه على التوقيع

انا شفت رقم غريب رن عليا وقال انا اسمى احمد من منتدى اكس مزيكا انا عضو فى المنتدى وقال انتا لازم تسيب المنتدى علشان موضوعاتك كلها تعبانه ومفهاش حاجه جديده وانتا غ...وع...

وانا مش لازم اوضح الحروف دى علشان الكلام ده مينفعش اقولوا فى المنتدى

انا بصراحه قلت ممكن يكون موضوعاتى تعبانه وعادى وهوا كده ادانى معلومه حلوه بس توصل ان انا اتشتم لالالالالالالالالالالالا

على العموم انا هنسى الكلام ده كلوا علشان انا مش هينفع اسيب المنتدى ده علشان انا عمرى فى حياتى ماشفت منتدى زي المنتدى ده ولا هشوف بس انا بوصل رساله الى الى كلمنى فى التليفون لو هوا اسمه احمد زى لما قال

انا هعرف اجيبك وهعرف اخد حقى منك يا معلم

يا سحس بص فى مثل بيقول العين مبتكرهش غير اللى احسن منها
اكيد دا شخص معقد واكيد اكيد مش من المنتدى نهائى وشاف رقمك وحب يستظرف يعنى المفروض كلام من واحد اكيد مش مننا مش تصدقو والكلام ولا بيودى ولا بيجيب واكيد انت عارف ان الكل هنا بيحبك وبيحترمك يعنى اللى كلمك شخص معقد وشيل الكلام دا من دماغك واعتبر محصلش حاجه

وحقك عليا انا ياقمر
خلاص خلاص
[ندعوك للتسجيل في المنتدى أو التعريف بنفسك لمعاينة هذه الصورة]

اية ياحسين انا اجى انت ى تمشى دا
عيب ف حقك ياجدع
طاب اعملى الترحيب وبعدين امشى
ههههههههههههه
ياحسين عيب اللى انت بتقولة دااااااا
فكر تانى اهه
وكلنا مستنينك ترجع
بس ترجع
مش تلغى
اهه
سلام ياكبير

لالالالالالا مينفعش انتا تيجى يا محمد وانا امشى

انا عمرى ماهسيب المنتدى ده خالص حتى لو حصل ايه

وانا بشكرك وبشكر توتا وهمس وعبده والمدير وهانى وكل الأعضاء الى فى المنتدى علشان مش عاوز انسى حد

خلاص انا نسيت كل حاجه اتقالت عليا وعمرى ماهسيب المنتدى

abo samy

ايوو اعقل كدا ياودييع

طيب بزمتك دا لو كان حد من وسط المنتدى كان هيقولك سيب المنتدى اضعف الفروض انه ممكن يقولك ظبط موضوعاتك هو دا لو حد يهمه المنتدى هيقولك سيبه مستحيل طبعا وعموما يا جميل خلاص صافى يا لبن وانسى كل اللى حصل دة وبعد كدة لو حاجة زعلتك المفروض تقول مش تتقمص وتمشى كدا كل الناس هنا بتحبك وبتقدرك وبتحترمك خلاص خلاص بقة يا جميل زى ما قالت توتا

خلاص
خلاص

خلاص والله الموضوع خلص خالص

بس انا هسيب المنتدى فتره علشان الأمتحانات

ادعولى

ربنا معاك يا جميل

» قصه سامى وحنان قصه رومانسيه حزينه
» اكشن تانى مره توزيع قول لا هيولع فى الفرح من دى جى مافيا...ابو سامى وبس
» حصريـــا - ريمــكس حسين الجاسمى - 6 ألصبح