ايه أحبك وأحبك وهم قلبي رضاك
وكل نبضه بقلبي ياحبيبي تبييك
@@
اكسر الصمت تكفى لمني في حشاك
كثر ماني بكلي بالخيال احتويك
@@
ودي اهمس بسمعك واتنفس هواك
وبين سمعي وبيني اشربك وارتويك
@@
ودي اسمع أحبج صادقه من اشفاك
وكل ماقلت أحبج قلت زوود احتريك
@@
آآآه ياكثر أحبك واتمنى للقاك
نذر مالك بقلبي ياحبيبي شريك
@@
باع غيرك خفوقي وبقناعه شراك
قلبي بيدي وضعته راضيه في يديك
@@
جاك بوحه بصدقه عانقه في وفاك
لا تضيعني اكثر دلني بهتدييك
@@
ذي رساله بغايه وصلتك من لماك
مفعمه بالمشاعر من شعور(ن) يبييك