((( ورينـــى ذكـــائك ونصاحتــــــك )))

النهاردة جايبلكم توبيك يارب يعجبكم
وطبعا اكيد وكالعادة من مؤلفاتى وحصرياتى
ههههههههههة

بصوا يا جماعة
انا هحكيلكم موقف او حكاية وهيبقى فى اخرها سؤال
ونشوف بقى قوة تشغيل الدماغ عندكم ازاى
وهتعرفوا الحل ولا لا

اوكش
اتفقنا
تعالوا نشوف القصة

احمد
ومروة اتنين اصدقاء ماشيين مع بعض وهما خارجين من الجامعة فجأة لقوا واحدة
بتصرخ وبتقول الحقوووونى .. حرامى ... حرامى .. وطبعا راحوا احمد ومروة
جريوا على البنت دى وقالولها مالك فى ايه .. ومين اللى سرقك ده ... فشاورت
على واحد وهو بيجرى .. لسه بيبصوا عليه كانو الناس مسكوه وجابوه قدام
البنت اللى اتسرقت وقالولها

هو سرق منك ايه .....؟؟
قالتلهم الموبايل بتاعى
قالولها سرقه ازاى .....؟؟
قالتلهم خطفه من ايدى وانا واقفة بتكلم فيه
المهم وهما بيسالوها راح الحرامى ده فاكك نفسه منهم
ومسك فى مروة ( اللى واقفه قدامة وخلاص يعنى ) ورفع المطوة على رقبتها
وقال .... اللى هيقرب منى هموتها ... فالكل طبعا انزعج جدا وكانوا نفسهم انهم
يقتلوا الولد ده ... بس خايفين على البنت المسكينة اللى مالهاش اى زنب فردت
البنت اللى اتسرقت وقالت ... !!

بص يا اخ ( قصدها ع الحرامى يعنى ) انا اوعدك انى مش هقول حاجة للشرطة
خالص .. وهخليهم يسيبوك تمشى ومحدش هيأزيك ... بس سيب البنت مالهاش
اى زنب خالص ... قالها لا .. انا مش هسيبها الا لما اخرج من بينكم ومحدش يجى
ورايا خالص واما احس انى بقيت فى امان هسيبها ... وهنا اتكلم ورد اخينا احمد
وقال ... اقتلها ........... احنا مش عاوزنها ..... بس اعرف انك انت كمان ميت ميت

وهنا اندهش الحرامى وقال ... لو فاكرنى بتكلم كلام وخلاص تبقى غلطان انا ممكن
اقتلها بجد ... فرد عليه احمد وقال ... وانا والله بكلمك بجد ... اقتلها ... واسال كل
اللى موجودين .. راح باصص وراه لكل الناس وقال .. مش انتوا عاوزينه يقتلها
وهنا بصت الناس كلها مندهشة لكنهم كلهم حسوا ان احمد بيفكر فى شىء يساعدها
بيه وسرعان ما ردو كلهم وقالوا ... اه ... اقتلها ... احنا هنعرف نجيب حقها كويس

وطبعا مروة ياعينى بتموووووت فى جلدها وعماله تبص لاحمد وباقى الناس وبتقول
هو فى ايه ... راح بصلها احمد وبرق عينه وقاله ... اسكتى يا مروة ... اسكتـــــــــى
انا هعرف اجيبلك حقك لما تموتى ... اوعدك انى هخليه عبرة لكل واحد فكر انه يأذى
الناس وهخليه يصرخ من شدة العذاب اللى هيتعذبه ... اما انتى فاحنا خلاص عرفنا
انك هتموتى هتموتى .... بس المهم بقى لما هيموتك هيروح فين تانى ................؟؟

وهنا بص الحرامى وقال
طيب .......... لو هى قالت موتنى انا هموتها
راح رد احمد وقال
وهى هتقول ............. يا مروة قوليلة انا عاوزة اموت ... قوليله
طبعا مروة واقفة مندهشة وفى زهول ومش قادرة تفكر او تتكلم
وهنا قالت البنت اللى اتسرقت .... يا جماعة خلاص نحل الموضوع
بشكل ودى وهو اخونا وخلاص ( طبعا بتضحك عليه ) بس هى خايفة
على مروة .... هنا رد الحرامى وقال وانا موافق ... هنا رد احمد وقال
لا .... انا بقى مش موافق .... يا مروة ... قوليله اقتلنى

السؤال هنا بقا

من المطرب او الفنان الذى لحن النشيد الوطنى للجزائر ................؟؟؟؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]

يا بت دا انا اندمجت منك لله هههههههههههههههههههههههههههههههههههههههههه تسلم ايدك بس بعد ما اخنقك هههههههههههههههههههههههههههههههههههههه نايس توبيك

ههههههههههههههههههههههة

دى حاجة بسيطة كدة للحبايب

تسلمى يا حبى على المرور

ههههههههههههههههههههههههههههههههههههههههه

تصدقي انا اصلا بكرة مروة دي

ما كانت تقول