يخرااااابى اقوى الاقاويل المصريه من الوالدين للاولاد تعالى وشوووووووووووف

اوعى خيالك المريض يهيالك انك ممكن تاخد منى فلوس تانى.

انتا مالك من ساعة ما دخلت البيت و انتا فرحان انتا جاي من انهي غرزة.

ذاكر ياموكوس مش فالح غير فى الهيافه والكلام الفاضى.

خلصي اكلك وناميلك شويه عشان تقومي تزكريلك كلمتين.

ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

مذاكرة ايه دي اللى على السرير.

يا ابني تعالي اقعد معانا ولا انت ماجر اوضه جوه البيت ......

ابقي نشف الحمام بعد ما تخرج منه.

يا خويا ياريتك حافظ الدروس اللى عندك زى ما انت حافظ الاغانى كده .

اعملى حسابك اول م الدراسه تيجى الرسيفر هيتشال هو والتليفزيون.

قبل الفجر: ارجع بات في المكان اللي انت جاي منه.

لو كانت اللي علي التليفون طنط سلوي قوليلها ماما نايمة .

ابقى قابليني بكرة تاخدي بالجزمة وتاكلي كل حاجة غصب عنك.

امشى جاتك مشش فى ركبك .

جتها نيلة الى عايزة خلف تيجى تشوف .

متحطيش الموبايل جنبك و انت نايمه هيجبلك تخلف عقلي .

متتأخرش وهات عيش وانت جاى ( يانهار بجد انا كرهت العيش من الجملة دى).

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

كل يوم هات هات لمة ربيتلى الهتهات (بابا طبعا) مع انى مش عارف اية الهتهات ده بس ماشية مع الجملة.

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا بابا).

أوعا حد يضحك عليك ويقولك جرب السيجارة دي.

ابقى ورينى مين حينفعك فى الاخر من شوية الصيع الى انت مشيلى معاهم .

وطي المدعوق ده شويه .

مش ملاحقه علي التليفون ولا الموبايل عملالي فيها الست المهمه.

برة البيت بتضحك وجوة البيت لاوى بوزك ............ اما اشوف صحابك الصيع حينفعوك في ايه.

كريم دا عيل بايظ وماتمشيش معاه تاني .

مين منى دي انتى كل يوم تصاحبي واحدة جديدة ؟.

هياا الوزيرة معندهاش وزاره النهارده قومى يا حبيبتى الساعه10 .

انت مبتكلش جزر ليه .. اجيبلك برتقانه. طب كل سلطه .

قومي ساعدي امك ده اللي هيتجوزك أمه داعية عليه.

يا ابني حرام عليك الى بتعمله فينا ده.

لمى هدومك انتى مش عايشة فى زريبة بكرة اشوف بيتك هيبقى عامل ازاي.

ابقي قابليني لو فلحتي ...بس دايما مش بيقولوا نقابلهم فينّ!!! غربيه .

كفايه رغي في التليفونات .

اطفي التلفزيون وقوم ذاكر ولا و خش اوضتك .

بلاش تمشى حافى البس شبشب وانته داخل الحمام .

فلوسك بتروح فين يا هبله انتي بتصرفي عالشلة ؟

مع ان الواحد كل سنة بينجح و رغم كدة يقولولك ابقى تف على وشى لو نجحت .. كل سنة الكلام دة .

ماتتأخرش علشان عندك كلية بكرة بدرى.

انا عارفة ازاى ألمك .

انا : يوووووووو يا ماما بقى؟؟؟
ماما:مووو لمـا يــــــخدك .

ادلعى ياهبة فى ايامك المهببه .

ده منظر اودة بني آدم ، انت عايش فيها ازاي؟.

هو انا الخدامه الى ابوكم جابهلكم .

الى يطلع من الاوضه يطفى النور وراه .

أبوك عندك أهو اتصرف معاه .

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

يأبنى المذاكره مابتخلصش .... نفسى اشوفك مره ماسك كتاب.

اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جنب الحيط .

احمد ربنا الاكل الى مش عجبك ده فى ناس مش لاقينه .

والله لو منضفتي المطبخ ومسحتيه ما فيش نزول النهرده .

قومي سخني الأكل لأخوكي.

ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟

خلصي اكلك وناميلك شويه عشان تقومي تزكريلك كلمتين.
ذاكر ساعتين بتركيز كأنك ذكرت اليوم كلو
مذاكرة ايه دي اللى على السرير.
فعلا كأنك معايا فى ابيت هههههههههههههههههههههه
تسلم ايدك

اقتباس :: فعلا كأنك معايا فى ابيت هههههههههههههههههههههه
تسلم ايدك

اصل كلهم بيعملو كده وكلهم بيسمعونا الكلام ده نعمل ايه بقى بس يلا فكك

هههههههههههههههههههههه

معلش دى زى مامتك برده ههههههههههههههههههههه

ههههههههههههههههههههههههههههههه

على رأيك نعمل ايه يعنى

بس يلا ادينا عايشين

[ندعوك للتسجيل في المنتدى أو التعريف بنفسك لمعاينة هذه الصورة]

» اقوى واحدث برامج موبايل من اقوى شركات التصميم Over 90 Mobile Prog - بحجم 14 ميجا - على اكثر من سيرفر
» بر الوالدين هو .........ولا.........
» جريمة الوالدين في حق ابنتهم الوحيدة