يا مثبت العقل فى الدماغ

جبتلكو اليوم حوار لطيف جدا بين زوج مع زوجته

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟؟ّ

هى:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكره

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي :

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا بالتونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟

هي :

ليه لأ ؟

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:
يمكن وقتها أكون مش جعانة فتاكلها انت

ملاحظه

محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"

منقول للأمانة

ههههههههههههههههههههههههههههههههههههه

ده ايه الزوجه الرخمه دى جننت الراجل انا ممكن بعد ما يحصل معايا كده اشمع المجل عشان حصل انتحار مفاجئ لزوجه رخمه يالهوى هههههههههههههههههه
ال ايه اطلب عشان لو جعانه اكلها انا وانت متكلش
ههههههههههههههههههههههههههههه
تسلمى على التوبيك الجامد ده

ههههههههه ايوه يعنى هو ياكل وهى لأ؟؟
حاجه غريبه قوى بصراحه هههههههههه

ههههههههههههههههههههههه
هما الستات دول كدا
غاوين وجع دماغ وخلاص
يانهار ابيض عليهم
عاوزين الولعة والله
ههههههههههههههههههههههه

ههههههههههههههههههههههههههه لا بجد دي رخمه اوى
دي استفزتنى انا انا عارفه ايه الستات الرخمه دي
بس عندها حق افرض جاعت بعدين متكلش يعني
ههههههههههههههههههه
يسلموا ياقمر
تقبليى مرورى

هههههههههههههههههههههه
انا بقي بحب الستات الرخمه بيعملوا دماغ كده
كبيره
مرسي شوشي

انتى تؤمرى يا قمر اى خدعه [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههههههههه هما كده الستات الرخمة يخلوا ازواجهم تقتلهم مرسي على التوبيك[ندعوك للتسجيل في المنتدى أو التعريف بنفسك لمعاينة هذه الصورة]

لالالالالا مش كلهم حراااااااااااااااااام عليييييييييييييييييييك [ندعوك للتسجيل في المنتدى أو التعريف بنفسك لمعاينة هذه الصورة]

احيه ايه داه فى ستات رخمة كده هههههههههههههه مستفزة قوى
تسلم ايديكى ياقمر
تقبلى مرورى

ربنا يخليكى بس الست حتعمل ايه افرضى جاعت ؟
تاكل ذراعه؟ [ندعوك للتسجيل في المنتدى أو التعريف بنفسك لمعاينة هذه الصورة]

» يا مثبت العقل
» بالصور حنان لا يدركه العقل