موضوع موجود على كل المنتديات تقريبا

موضوع موجود على كل المنتديات تقريبا ،، مش جديد يعنى ،، و ممكن أو أكيد شوفته قبل كدا ،، بس أنا ضيفت شوية حاجات و ملاحظات صغيرة عليه

*************************
عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟ …
*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
وتلاقي البطلة في الفيلم مصيّفه
*******
عندما يكون الوقت ليلا ،، وفجأة عند خروج الممثلين من داخل البيت اللى هما كانوا فيه ،، تلاقى الدنيا نهار ،، ويستمروا فى ادعاء ان الوقت ليلا
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل ،، حتى لو مش ابنه
*******
عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره
بيسكر بعصير قصب
فى بعض الافلام بيقول : ( خمرة و العياذ بالله) وبعد شوية ياخد الكاس ويشربوا كله ،، و تبقى المشكلة وقتها ان الخمرة طعمها مش حلو
*******
عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
فى بعض الافلام بيفضل صاحى لحد لما يقول وصيته ،،ويسلم على كل ولاده ،، وأوقات تانية كمان لحد يوصل الدكتور علشان يقول انه مات ..
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
و طبعا موجود كوتشينة أو السلم والتعبان أو اى لعبة علشان يلعبوها
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو .
*******
البوليس دايما بيوصل لما البطل يكون ضرب كل الاشرار ،، و ساعات البطل هوا اللى بياخد المجرمين لغاية قسم الشرطة ،، توفيرا على البوليس
*******
لما البطلة تسيب البطل يجرى بسرعة يدخل أقرب كازينو أو كباريه ،، وفى أخر الفيلم بيتجوز الراقصة
********
دايما يكون الفلاح او الصعيدى شخص قليل الفهم او المعرفة ،، و ان سكان القاهرة هما الاكثر فهما ،، مع ان العكس هوا اللى صحيح
********
لما واحد يجى يضرب واحد تلاقى المؤثرات الصوتية ،، مش أصوات ضرب أشخاص ،، غالبا بتكون أصوات مدافع أو تصادمات بين مدرعات ،، و يرجعوا النقاد يقولوا : أصل ده أكشن يا جماعة
******
فى النهاية باقى انى أقول : ان من الظواهر السيئة جدا فى أفلامنا العربية هيا سرقة أفكار الافلام الاجنبية و اعادة تمثيلها بممثلين عرب او مصريين فى منتهى السطحية و التفاهه ،،

فى النهاية باقى انى أقول : ان
من الظواهر السيئة جدا فى أفلامنا العربية هيا سرقة أفكار الافلام
الاجنبية و اعادة تمثيلها بممثلين عرب او مصريين فى منتهى السطحية و
التفاهه ،،
احب اعقم على الفكره دى ههههههههههههههههههه
فعلا مش عارف بيعملو كده ليه هما بيبينو ان هما اذكى مننا مع اننا عندنا اشهر مخرج فى العالم الراحل الشهير يوسف جاهين ليه بقى تعملو كده مدام فى ايدينا نعمل احسن من بس ناقصنا خبرة بسيطه وتتحسن ليه وليه كله بيتعاد بحس ان بعض المشاهد بتتعاد فى كتير من الافلام والاكتر افلام الرومانسيه ليه انا برضو نفسى اعرف ليه محدش عارف

_________________

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

موضوع جميل جدا يا سمسمة
تسلمى على التوبيك
فعلا الكلام كله سليم وبنعيشها
مشكورة ياقمر على التوبيك المهم دا

تسلمى يا سمسم على التوبيك الجميل ده

تقبلي مرورى

ميرسي لمروركم الرائع ده
وبجد شرفتم الموضوع
[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايديكى ياسمسمه وميرسى بجد مواضيعك عجبانى جدا

تسلميلى حبيبت قلبى على زوئق
[ندعوك للتسجيل في المنتدى أو التعريف بنفسك لمعاينة هذه الصورة]

الروعه هو مرورك ياقمر

[ندعوك للتسجيل في المنتدى أو التعريف بنفسك لمعاينة هذه الصورة]

» حركات غبيه بنعملها تقريبا يوميا ادخل وشوف بنفسك
» ⁄⁄ …שσω أجعل قلـ ـ ـمك سفيرا لأخلاقـ ـ ـك في المنتديات σωש… ⁄⁄
» كيف يتم اصطياد البنات فى المنتديات؟؟