حجــــــــاب....نيولوك

في الاول تعالوا احكيلكم موقف حصل قدامي في مول و دة اللي استفزني وخلاني اكتب الموضوع دة لاني بجد مفروووسة

جدا <<كنت واقفة انا وصاحبتي في محل و جمبنا بنتين واقفين بيتفرجوا علي اللبس وكدة ..واحدة فيهم مسكت جيب

عفوا اني اطلقت عليها جيب هي في الحقيقة ميكروجيب.. ملحوظة بسيطة<<البنتين لابسين حجاب واسفة للحجاب اني اطلقته علي الشئ اللي كانوا لابسينه>>..المهم سمعتها بتقول لصاحبتها واااو الجيب دي توووحفة

بس للاسف مش هعرف البسها لانها قصيرة شوية يا سلاام لو كانت تحت الركبة بشوية...قامت صاحبتها العبقرية ام العريف

قالت ايه بقي...يا بنتي وايه يعني انا عندي فوكيرة حلوة تخليكي تلبسي الجيب دي عادي جدا...انا بصراحة كنت هموت واعرف ايه هي الفكرة العبقرية بتاعتهادي...اللي هتخلي الميكروجيب ممكن يتلبس ويتخرج بيه الشارع وعادي جدا..المهم قالتلها<<اضربي اي برمودا تحت الجيب وكدة تبقي حليتي الموقف منه لبستي الجيب اللي عجباكي وكمان مش هاتبقي مكسوفة وانتي لابساه و اهم حااااجة<<لاحظوا انتوا اهم حاجة دي>>انك تبقي حافظتي علي الحجاب!!!!!!!!!!!

دة الموقف اللي بعده كنت مذهولة فعلا والله وكنت حاسة اني متغاااظة منهم و في نفس الوقت حاسة بقهرة والله العظيم...

مش عارفة ليه وقتها جة في بالي خبر كنت قريته عن البنت الفرنسية اللي حلقت شعرها كله احتجاجا عن منعها دخول المدرسة بسبب الحجاب...علشان تقول للعالم كله لا لنزع الحجاب

لا وكمان في حاجة غايظاني اوي كمان....اكيد سمعتوا عن <<مايوه المحجبات>>نفسي اعرف اجتمعوا ازاي الكلمتين دول...ماشي زي الفل انهم فكروا في حاجة كدة بس معلشي تعالوا نفكر فيها الاخت المحجبة وهي لابسة مايوه المحجبات
كويسة ماشي والمايوه واسع شوية و زي الفل ومفيش مشاكل..الاخت بقي نزلت البحر و هي خارجة بالله عليكم المنظر اللي هي خارجة بيه دة يرضي ربنا...دة حجاب اكيد كلنا عارفين المنظر اللي بتبقي خارجة بيه من البحر.....

الحجاب مش بس اني اغطي شعري ويبقي مسموح لية اني اظهر اي جزء في جسمي واقول انا محجبة...انا محجبة يبقي

شعري محجب..جسمي كله محجب ومتغطي....حتي اخلاقي لازم تبقي محجبة...مش علي راي البنات التافهة<<اللي يبان منا زكاة عنا>> دة كلام بذمتكم

للاسف ملابس المحجبات في المحلات خلت من الحجاب موضة الكل بيجري وراها ونفت منه قدسيته كفريضة شرعها الله للنساء...

انا مش بقول ان البنات تتنقب وتقعد في البيت ولا تحرم نفسها من اي حاجة حلوة بس بقول ....احترمي دينك واحترمي ربك

احترمي حجابك والبسيه صح....والله هاتحسي انك ملكة فعلا بحجابك...سيبك من الموضة..ماتقوليش حجابي خنقني

ربك مش هايفرض عليكي حاجة ويبقي فيها ضرر ليكي..

انا مش هاتكلم عن نسبة حوادث اغتصاب الفتيات كنتيجة طبيعية للي الشباب بيشوفوه في الشارع من استهتار..بس عايزة اوجه سؤال للاباء والامهات...ازاي سمحتوا لبناتكم انهم ينزلوا الشارع بالملابس المستفزة دي اللي بتناقض ديننا و اخلاقنا واللي اتربينا عليه؟؟

الموضوع بجد خطير جدا بعض البنات و طبعا مش كلهم عايزين يواكبوا العصر ويسايروا اللي اللي بيشوفوه مع اظهار شخصيتهم الدينية برضه فظهر لينا مسخ لا معني له و هو الحجاب النيولوك...

في النهاية اذكر نفسي واياكم ان الايام دي ايام صعبة جدااا و بيكون فيها المسلم القابض علي احكام دينه كالقابض علي الجمر من النار....

ربنا يهدي بنات وشباب المسلمين يارب ويحفظهم

تحياااتي

ياااااااااااااااااااارب ياقمر بجد توبيك جميل جدا
يسلموا ياقمر
تقبلى مرورى

توبيك رائع جدا تسلمى على الموضوع

_________________

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

بجد بجد الموضوع ده بيحصل فعلا
ربنا يهدي بنات المسلمين
وجزاكى الله خيرا على طرح هذا التوبيك الرائع
تقبلى مرورى

توبيك جميل تسلم ايديكى ياسارة

مشكوووووووووووووووور يا نجم

اللة يباركلك فعلا موضوع يستحق التقدير

مرسي على الموضوع الجميل والرائع تقبلى مرورى

» «نيولوك» بألوان عصرية