موضوع يجمع البنات والشباب في حاجه ضريف جدا

سالخير

إحنا نهارنا أبيض ولا حاجه ؟؟



بصوا بقى ؟؟




بصيتوا ؟؟


سيبكم من اللي يقول لكم المسامح كريم والحاجات دي..

أمال دموعك اللي غرقت المخدة
ملهاش تمن؟.. تسوى إيه وقفتك في البلكونة طول الليل - في عز طوبة وامشير - لغاية ما جالك "إنفلونزا الطيور" وإنت بتبص للقمر والنجوم وبتفكر في حبيبك اللي خانك وبعد عنك..
تسوى إيه نظرة العطف والإشفاق اللي أصحابك بيبصوا لك بها وهما بيمصمصوا شفافيفهم ويقولوا "لا حول لا قوة إلا بالله يارب.. الواد/ البت،اتغير حاله/حالها!"

لا وألف لا

دعونا ننتقم.. العين بالعين والسن بالسن.. والقلب بالقلب.. والبادي.. يا ويله يا سواد ليله.. استعنّا ع الشقا بالله..

** الطريقه الأولى : ( للأولاد)

الطريقة دى مستوحاه من الراحل "سيد درويش .. لما حبيبته سابته فضل يغنى أغنيه ليها على كل مقاهى الإسكندرية لغاية لما بقت سيرة البنيه على لسان كل واحد في الإسكندرية، فرجعت له تعتذر وتطلب منه إنه يسامحها ويرجعوا تانى لبعض ...


ده بقى اللى هتعمله بالظبط ..أول حاجه تكون عندكـ حنجره ولا عمرو دياب ف زمانه (بتعرف تغني يعني..)ولا حتى مابتعرفش.. مش مشكلة.. كده حتى هتكون بتنتقم من المجتمع كله!.. بعد لما تتاكد ان حبيبتكـ خلاص باعتكـ وباعت حبك عند أقرب محل مجوهرات.. وأنها وافقت على الارتباط بـ"سيد بيه السيد" اللى أكبر منها بـ 63 سنه لمجرد أنه رجل أعمال وحرامي كبير أد الدنيا.. هتروح أنت إلى "أبو دومة ساوند".. صاحب أكبر الاستديوهات التي قدمت لنا دور الغناء الشعبي الحديث.. هتتفق معاه وتديله .. 600 جنيه و4 كيلو كباب في مقابل أن يسجل لك الشريط..


الأغنية الـ"هيد" لازم تكون عن حبيبتك الخائنة وبالاسم.. سيبكـ من التوريه .. هو احنا جايين ننتقم ولا نهزر؟!

كلمات الأغنية لازم تكون قوية من نوعية "ليه سبتني ليه يا "يسرية" -ده اسم حبيبتك الخائنة-" مش كنت استنيت شوية عليّ.. كده تبيعيني مع الواد سيد كده.. هو أنت ماعندكيش قلب ولا شكلك كده.. .يا يسرية!".. الأجمل بقى لو كان عندكـ ليها صوره شخصيه .. لازم تحطها ف البوستر الخاص بالدعاية للشريط وأنتقاعد تبصلها بصة الانتقام وهيا ف قفص الاتهام .. وطبعا هتسمي الشريط "أمير الانتقام.. من يسرية"!

بس خلاص

أى خدمه يا جماعه .. إتنين جنيه بس



** الطريقة التانيه : ( للبنات )

نطلع بقى الانتقام الأنثوي.. بعد ما تتأكدى أن "أحمد" بيخونك مع كل صحباتكـ البنات ويوهم كل واحدة منهن بأنها "الحب الحب.. الشوق الشوق .. بولبيف بولوبيف ".. وهو متصور أنك هبله ومش عارفه حاجه ف البطيخ ولسه بيمثل عليكى دور العاشق الولهان.. هيبقى الانتقام كده تمام .. اشتري خط تليفون محمول جديد "الموضوع مش هيكلف بكتيره 30 جنيه ..بعد ما بقى الموبايل ف يد الجميع !" وكارت شحن بخمسين جنيه ..كفاية عليه كده مش هيستحمل أكتر من كده!"..

بعد كده بقى غرقيه رسايل "S.M.S" معتبرة من نوعية "يا هادي في رنتك وراسي في كلمتك وتقيل في مشيتك وحشتني كتير مناغشتك" و"على الحديدة ما عندي ولا رسالة جديدة بس أحبك هذه هي الكلمة الأكيدة".. ولأن "أحمد" من إياهم ..هيسيح ..وهيحاول يتصل برقمكـ الجديد طبعا .. طبعا مش هتردى عليه ابدا.. وبعد أن تكون الرءوس قد أينعت -كما قال "الحجاج بن يوسف الثقفي"- وحان وقت قطافها.. ابعتيله رسالة مختصرة "عاوزة أشوفك.. في المكان الفلاني والوقت العلاني"..

مش هيستحمل وهيندلق زى الجردل وهيروح على هناكـ جرى وهوا لابس القميص الكاروهات والبنطلون الجينز الأزرق الذي اتفقتم انه يلبسه عشان تعرفوا بعض.. وطبعا مش هتروحى إنتى.. لكن هتبعتيله اخوكى "عبده مجانص" بطل كمال الأجسام في "الوراق" بعد ما تكونى قولتيله إن الـ"أحمد" ده بيطاردك كل يوم برسائل غرامية ملتهبة.. واخوكى هيقوم بالمهمة نيابة عنك.. بس ميبقاش قلبكـ قاسى للدرجه دى..وإتصلى بالاسعاف بعد ما أخوكى يخلص مهمته بعشر ساعات كده



يا رب مكونش طولت وأكون قدرت أفيدكوا ..وكله لوجه الله



منقول مع بعض التعديلات و التشطيبات على يدى



تحياتى للجميع :oops: :oops: :oops: :oops: :oops:

متشكر جدا يا صديقي واتمنا ان تكون مواضيعي كلها تحت منضر اهتمامك وشكرا :arrow: :arrow: :arrow: :arrow: :arrow: :arrow: :arrow: ء

شكررراااااااااااااااااا جامد يا مان وقريب قوى هتسمع الشريط بتاعى

teslam 2edek ya gamel 2el mawdo3 lazez 2wy

bas 2namen ra2y 2n 2hmad daah ystahel 2ktar men keda bekteeeeeeerrrrrrrrrrrrrrrrrrr:10:

مشكوووووووور لمرورك بس موش فاهم معضم كلامك هل الموضوع عاجبك ام لا
ولو موش عاجبك او في مشكله حاول توضح شويه

هي نحن هنا وعلا ما اعتقد انك غلي في العنوان

ههههههههههههههههه .... وضح انك جاي تهدي النفوس فعلا
تسلم يا برنس ع التوبك الخفيف دا
ولو حد سمع باى كلمه من اللى فيه يبقى عليه العوض :D

هههههههههههههههه
شكرا للجميع علا المرور

توبيك رائع