عيد ميلاد الريس ادخل وشوف الاهدئات

عيد ميلاد أبو الفساد
4 مايو 2008

ياللا حالا مالا بالا . . غنوا لأبو الفساد
قولوا فى عيد ميلاده الليلة . . أتعس الأعياد
يسقط أبو الفساد . .

أنا الغرقان بانادى . . وباقول للبحور
يوم أغبر رمادى . . عيدك ياطرطور
لك ملايين اعادى . . عايزينك تغور
امتى حا تفرحهم . . وتسيب البلاد
فى داهية يابو الفساد . .

أنا عاطل مكافح . . على كرهك أمين
يابو مخ سايح . . ضيع ملايين
طول عمرك مقاوح . . ويا الشقيانين
اسمك مكروه جدا . . من كل العباد
فلتسقط يابو الفساد . .

وأنا جعان وواقع . .جيبى كمان نضيف
رحت طابور وراجع . . مافيش معايا رغيف
لقيت واحد هطنفل . . بيبيع عا لرصيف
موبايل بألف جنيه . . بيغطى البلاد
خربت يابو الفساد . .

انا عانس بأقاسى . . لا عيلة ولا أصحاب
قوضتى فاضيه عليه . .مافيهاش غير الدولاب
شنطى جاهزة تملى . . حاطاها جنب الباب
أنا مش زى خديجة . . عشان ما بقولش داد
إعتقنا يابو الفساد . .

انا السرطان بلانى . . من أكل الحمير
تعالى عيش مكانى . . ويا الصراصير
مش بعيد عن قصرك . . ده أنا فى ترب الغفير
واللا انت عايز مدفن . . فى أرض الميعاد
ماتموت يا أبو الفساد . .

وأنا مش رايح أغشك . . ألعبان خطير
يامولود فى عشة . . مفطوم عالجرجير
مين يقدر ينشك . . وإنت ابن الغفير
إحنا بتوع عظمتك . . حافظين الوداد
فلتحيا يابو الفساد . .

أنا إبن بهانة . . محتاج مترين قماش
عشان مافيش صيانة . . أرضى راحت بلاش
وقبل الأربعين . . طلعت عا المعاش
وأنت فى الثمانين . . ضارب فيها طناش
دا احنا قرفنا منك . . ومن الإستبداد
ما تغور يابو الفساد

من كثر المهانة . .عيدك يوم بكانا
فيه الحزن جانا . . من كثر ظلمك لينا
شوف بقى يا أخينا . . لولا انت ما حفينا

حاسبوا يا أصحاب . . من حسنى النصاب
الواجب علينا . . نشيله من فوقينا
ونهتف ونقول له . . غرقت السفينة
شوف بقى يا أخينا . . لولا انت ما حفينا

جينا قرب دارك . . نقولك يا مبارك
لا فى ليلك أونهارك . . ولا باجدع رجالك
حانسيبك تبرطع . . وتتمريس علينا

ههههههههههههههههههههه
ايه الجمال دا
لا بجد تحفة
تسلمى يا سمسمة ياقمر

ايه الجنان دا كله مشكووووووووووورة تقبلى مرورى اللورد محمود

» مش هتكلم ادخل وشوف
» خمس حقائق علمية اثبتها العلم مهم جدا ادخل وشوف
» خمس حقائق علمية اثبتها العلم مهم جدا ادخل وشوف