ازاي تتراخم علي البنات

اول ما تقوم من النوم تروح قايم زي البغل
داخل الحمام موقع المرايه ابوك و امك يصحو
يدوك الطريحه الي هي
بعد كده تستلم اختك
و تقوم جايب كوبايه فيها ميه من التلاجه
و علي قفاها و هي نايمه

_ ملحوظه : لازم تكون لابس لبس خروجك
عشان تطير علي كليتك عدل بعد عملتك المهببه دي _

اول ما تركب الاتوبيس الي هيوديك او لو مشترك في البص
تروح و تقعد جنب اول بنت الكرسي جنبها فاضي

و عايزك تريح علي الآخر لو ناوي تهرش ولا حاجه
اهرش زي ما تحب ولا يهزك يا معلم

و عايزك تعلي موبايلك علي الآخر و انت مشغل اغنيه

_ " شربت سيجاره بني .. بني .. بني
و راسي عماله بتاكلني .. كلني .. كلني "

و انت قاعد لو كلمتك و قالتلك حاجه
رد و قول

_ " جري ايه يا حاجه .. انتي مالك .. هو
الكرسي جايباه من بيتكم "

طبعاً البت هتشمئز منك و تبقي عايزه تديك بالجزمه

ملحوظه _ " نقي المزز بس سيبك من الحاجات التانيه
عشان متاخدش علي دماغك بالشبشب "

لو طلعت من الاتوبيس علي خير

روح علي كليتك
اكيد لازم تلاقي بنات قاعدين علي السلم بيذاكروا
او يتكلموا او بياكلو و يشربوا بيبسي


تروح معدي في النص ما بينهم و دايس علي اول شنطه
او كشكول مقابلك و بص عايزك تدوس ب غل كده

و انت طالع بقه عايزك تدندن

_ " كوز المحبه اتخرم .. طرطش علي كمي ..
يا حبيبيبطل جفا .. و ارحم عذاب امي "

و تطير علي السكشن او المحاضره بتاعتك بعديها
و تدخل تقعد ورا اي بنت _ البنات دايماً قدام _
و كل ما الدكتور او المعيد يسأل
تروح عامل فيها ابو العريف او الفلاح الفصيح
و رافع ايدك _ ركز هنا _
و انت بترفع ايدك ادي البت الي قدامك علي قفاها
لو بصت البت وراها اعمل نفسك بتكلم الي جنبك

و قول للمعيد او الدكتوره
_ " اقول آني يا ابله اني عااايز اقوول "

فلاح غبي بعيد عنك

طبعاً الدكتور او المعيده هيبقوا قرفانين منك
و البنات هترجع

لو روحت السيكشن الي بعده و غالباً هتلاقي
البنات واقفين علي الباب

روح لاول واحده واقفه و قول

_ " وسعي يا حاجه .. بدل ما انتي واقفه زاحمانا علي
الفاضي مش ناقصه قرف "

كده فل
و تقوم واخد باب السيكشن
فاتحه في حركه سريعه خاطفه

و داخل علي الدكتوره تقولها

_ " هو الكانتين هنا ولا فيين ؟! انا عايز 2 طعميه ! .. "

بعد كده تخش السكشن تعمل نفس الي عملته المره الي فاتت

و في فتره الراحه تنقي كرسي قاعد عليه بنات

و قاعد جنبهم رذاله و اعمل نفسك بتتكلم في الموبايل

_ " آه يا عم .. دول بنات معفنين .. دول غفر يا جدع ..
آه آه قاعدين جنبي أهم .. لأ مش دول الي كسروا
الكبانيه ..لأ الاتنين الي علي الطرف .. آه ما انا دخلت و شوفته باظ خالص طب ماشي .. أفلسع الغفر دول و اكلمك بعدين يا معلم .. "


و بعد كده تبصلهم و تقولهم

_ " جتكم القرف انا ناقصكم قومي من هنا يا حاجه انتي و هي "

و لو في مجموعه بنات ماشيين مع بعض
بص عايزك تمشي بينهم في النص رخامه لو حودوا حود
معاهم و اعمل نفسك هتروح تحضن واحد صاحبك

بعد كده البنات كلها
هترفع راية الاستسلام
لو شافوك معدي في شارع
هيجروا يحودوا في الشارع التاني

و طبعاً بعد ده ابوك و امك هيتبرئوا منك
و هتعيش حياه سعيده
من غير حد

و بكده يبقي خلصنا درس الرخامه علي البنات

اشوفكم رخمين