موضوع: تدليع زيدان للخضرا .. وعفريت جدو .. ونفسنة شيكا أطرف ما قالوا فى شهر يناير

[ندعوك للتسجيل في المنتدى أو التعريف بنفسك لمعاينة هذه الصورة]

زيدان يحتفل بتدليعه للخضرا، وشيكا يتهم المعلم بتحضير روح أبو تريكة في جدو، في نفسنة على هداف أنجولا 2010 .. في أبرز ما قالوا شهر يناير.
"مصر فازت ببطولتي إفريقيا عامي 2006 و2008 لأننا لم نشارك فيها، ولو كنا شاركنا ما كانت مصر ستفوز بكأس البطولة" .. سمير زاوي قبل رقصة الخضرا.
"والله أنا خايف أرجع الاتحاد يحطوني على الدكة، وينزلوني في الدقيقة 70 على طول" .. صاروخ مصر الجديد، محمد ناجي جدو.
"أنا متفائل، فمصر دائما تفوز باللقب حين تقام البطولة في سنة زوجية مثل 2006 و2008 و1998" .. هل يعلم مصطفى يونس أن كأس الأمم لا يقام في السنوات الفردية أصلا؟
"هو كعب واحد عملته في البطولة، من ساعتها ملعبتش تاني" .. على الزمالك أن يتخذ حذره، شيكابالا يملك مخزونا من الكعوب 20 يوما.
"كنت بهشتـك الجزمة اللي دلعتنا ودلعت الجزائر" .. زيزو مصر صاحب الهدف الثالث في مذبحة نصف النهائي.
"هنبدأ التصوير، خد بالك، وبلاش ضحك كتير علشان ما اتضايقش منك، وانت عارف لو اتضايقت منك" .. الإعلامي كريم حسن شحاتة يداعب سيد معوض.
المعلم
"وماله لما الفريق ياكل محشي ولا كوارع، مش شاقيانين طول النهار ولازم يتغذوا" .. معلم مصر حسن شحاتة.
"الكاميرون كانوا شايلين مننا علشان غلبناهم قبل كده مرتين". شحاتة بعد عبور حاجز الأسود بثلاثة أهداف لهدف.
سيد معوض: "بلاش يا كابتن حسن موضوع نيجيريا والكاميرون ده، هتلاقي ناس زي إيتو كده، مفيش قيام ليل ولا تلاوة قرآن والحاجات اللي بتخليك تكسب بطولات دي".
[ندعوك للتسجيل في المنتدى أو التعريف بنفسك لمعاينة هذه الصورة]المعلم يضع روح تريكة في جسد جدو؟

حسن شحاتة يرد على معوض: "ابقى شوف بقى مين اللي هيخليك تلاعب إنجلترا".
المنفسنين
"ما كلنا بنقرا سورة يس، اشمعنى ماشية مع جدو بس؟" .. شيكا على طريقة المنفسنين بيشجعوا مصر، واحنا معاهم.
"أتمنى أن تودع الكاميرون البطولة في أقرب فرصة ممكنة، على الأقل حتى يعود إيتو لنا قبل 31 يناير" .. جوزيه مورينيو.
"لو الجزيرة الرياضية دي كفاءة، ينزلولي ستوديو لستوديو، يدوني 3 دقائق في أي مباراة، ونشوف" .. محمد نصر الدين مخرج مودرن سبورت
m over
"منتخب الجزائر بلغتنا كده مأفــوَر" .. إبراهيم يوسف عضو مجلس إدارة الزمالك، لم يوضح بلغة من؟
"أقلنا المدير الفني نويي لأنه فشل في قيادة موزمبيق نحو نهائي كأس الأمم" .. لو سمع الاتحاد الإيفواري هذا بيان، لقرر إعدام مدرب الأفيال فاهيد هليلدزوفيتش.
"واحد بس في مصر لم يكن محبطا بعد تصفيات المونديال، وكان عنده أمل في بطولة، حسني مبارك، وعلشان كده يستاهل (الكريد) على الإنجاز ده" ممدوح أوكا نجم الاتحاد السابق يقدم الجائزة هدية لراعي الرياضة والرياضيين.
عفريت جدو
"قول يا عفريت بتجيب اجوال إزاي؟".. شيكا يسأل جدو، متهكما على نكتة استعانة المعلم بعفريت في كل كأس أمم، حضره هذه المرة في جسد لاعب الاتحاد.
[ندعوك للتسجيل في المنتدى أو التعريف بنفسك لمعاينة هذه الصورة]عايز تهدو .. هاتلو جدو

جدو "دي قدرات بقى يا شيكا".
"بشكر عماد متعب على كلماته عني، وكل زمايلي برضه، طبعا كلهم غايرنين مني وأنا عارف كده كويس" .. جدو يتفاخر بتحول اسمه إلى رنة محمول.
"لسه بدري يا صقر، اوعى تعتزل" .. جدو يتحدث عن قائده في المنتخب أحمد حسن بابتسامة خبيثة.
الصقر يرد "لا والله، إنت طلعت بتتكلم أهو، ده أنا في أول أيام المعسكر مكنتش بسمع صوته".
بعيدا عن أنجولا
"هل يجوز بعد أن لعبت بجوار ابراهيموفيتش ودروجبا وتوتي وديفوه وكين وبرباتوف، أن أترك كل هؤلاء الناس وأسير خلف عمرو زكي؟" .. ميدو يتذكر أمجاده، لكن على رأي الست عايزنا نرجع زي زمان قول للزمان أرجع يازمان.
"أبو كوني أخبرني أنه عندما كان صبيا، جمع الكرات في إحدى مباريات أسيك الإفريقية أمام الزمالك، وأعجب بالفريق وأصبح زملكاوي" .. طارق يحيى.
"مساء إفريقيا يا شلبي يا شلباية يا شلوبة .. صلي على النبي عشر مرات وارسلها لعشر من أصحابك .. والله يا جماعة الرسايل بتجيلنا كده" .. مدحت شلبي في "مساء الرسايل".
والأجمل في يناير 2010
"ده مهرجان مصري مش في السامبا ولا في التانجو، في الرقص البلدي" .. تعليق المتألق علي محمد علي بعد سحق الجزائر.

هههههههههههههههههههههههههههههه
تسلمى يا قمر
ونتظر المزيد

تسلمى على التوبيك ياقمراية الجميل دا

[ندعوك للتسجيل في المنتدى أو التعريف بنفسك لمعاينة هذه الصورة]

» عن الصداقة قالوا
» قالوا عن شاروخ خان (متجددة )ان شاء الله
» احدث انتقالات يناير