صباح الضحكات والابتسامات الحلوة

واحد بلدياتي بعت لامه علبة كبريت
قالتله مش شغالة
قالها ازاي انا مجربهم واحد واحد
*************************
واحد بلدياتي راح يخطب
ابو العروسه قاله يا ابني البنت لسة صغيرة في المدرسة
قالوا خلاص اجي بالليل تكون جت يا عمي
*************************
جماعة بلدياتي قاعدين ف خيمة وعاوزين يولعوا عشان يطبخوا
بعتوا واحد يجيب كبريت
خرج من باب الخيمة ودخل من الباب اللي ورا
قالهم عندكوا كبريت
قالولوا اقعد بعتنا نجيب
*************************
بلدياتي بيعاكس واحدة في التليفون
قالتله شكلك صعيدي
قالها ينعل ابو اظهار الرقم ديه
*************************
صعيدي سال اجنبي
انت مرتبك كام
قاله 1000 دولار بدل معيشة
1000 دولار بدل سفر
1000 دولار بدل تغذية
1000 دولار بدل .......
قاله وانت
قاله 200 جنيه
وسكت
الاجنبي قاله دا بدل اية
الصعيدي قاله بدل ما امد ايدي عليك
*************************
لبناني وصعيدي اصدقاء كانوا بيتفسحوا ومارتتهم تاهت
فالصعيدي بيقوله انت مراتك شكلها اية عشان ندور عليها
قاله بيضة وشعرها اصفر وعينيها زرقاء ولابسة بدي وميني جيب
وانت مراتك شكلها اية؟
قاله سيبك منها تعالي ندور علي مراتك انت
*************************
بلدياتي كشف نظر جاب 6 علي 6
قال لصاحبه كنت هاجيب اكتر
بس الدكتور وترني
*************************
بلدياتي بخيل حبتين
وعلي فراش الموت
بيقول لولادوا:
يا محمد قاله اناهنا يا بابا
يا مني انا هنا يا بابا
يا سعاد انا هنا يابابا
امكوا فين يا ولاد
اناهناياحاج
قالهم لما انتوا كلكوا هنا يا ولاد الكلب
سايبين نور الصالة والع ليه؟؟
*************************
واحد بلدياتي دبح خروف
عمل اللحم كباب حلة
والراس شوربة
والرجول كوارع
والجلد سجادة صلاة
ومخلفات المعدة سماد للزرع
والعظم طحنه علف للدواجن
حتي صوت الخروف
سجله قبل الدبح وعمله رنة للموبايل
*************************

بلدياتي بخيل راح يزور امه ف المستشفي
لقي الباب مكتوب عليه ادفع
قال ربنا يقومك بالسلامة يا حاجة
اجيلك لما ترجعي البيت ان شاء الله بالسلامة
*************************
واحد بلدياتي حب يطور طيارة هليكوبتر
شال المروحة وركب تكييف

*************************

ليه السمك بيخاف من اتصالات؟
علشان أقوى شبكة

طب ليه عملاء موبينيل محبوبين؟
علشان همّ أحسن ناس

طب ليه عملاء فودافون ما بيبردوش؟
علشان فودافون أقوى تغطية
*******

امتى السما يبقى لونها بتنجاني؟
لما الدنيا تبقى مسقّعة

ليه القطار مهم؟
عشان تحتيه خطين

ليه سندوتشات الكفتة والبطاطس بتجري؟
عشان وجبات سريعة
*******

ليه اليابان معندهاش حنان؟
علشان في قارة آسيا

ليه البرازيل معندهمش تين؟
عشان في امريكا اللاتينية

ليه الفيل بينزل البحر بالشورت الاحمر؟
عشان الشورت الاخضر بيتغسل
*******

ليه الصعيدي بيحط جنبه منبهين؟
عشان واحد يضرب والتاني يحوش

ايه عكس نجيب محفوظ؟
نودّي محفوظ

ايه عكس طارق علاّم؟
طارق تحت اللاّم
*******

ليه بلدينا بيكون ذكي لما يطلع من الصعيد؟
علشان بيكون خارج نطاق التغطية

واحد بلدياتنا ماشي تحت الكوبري ورافع ايده ليه؟
عشان الكوبري مسلّح

عسكرى زهق من البندقية عمل إيه؟
جاب سمسمية
*******

طماطمية عطست قالت؟
كا كا كاتشبب

حاجة بتجري وعندها راسين و 8 رجول؟
كلبين بيجروا جنب بعض

ليه القرد سريع؟
عشان القرد في عين امه غزال
*******

اول مخلوق ظهر على الارض هو الحمار الوحشي.. ليه؟
عشان ابيض واسود

وآخر مخلوق ظهر القنفد.. ليه؟؟
عشان لسه بشوكه

عاوزين نطيّر كلب نعمل ايه؟
نضرب في (1 \ كلب) الكلب يطير مع الكلب
*******

ليه النملة مش بترضي تركب الفيل قدامها على العجلة؟
عشان بيلعب في الجرس

فرخة معلقة سلسلة فيها صورة بيضة.. ليه؟؟
صورتها وهي صغيرة

فرخة معلقة سلسلة وفيها صورة طبق بيض اومليت.. ليه؟؟
صورة أخوها الشهيد

ههههههههههههههههههههههههههههههههه

شويه كوكتيل نكت يجننوا

تسلمي يا همس

هههههههههههههههههههههههههههههههههههههههههههههههههههههههههههههههههههههههههههههههههههه

مرسيى يا خيال نورت التوبيك بقى اجمل بمرورك

ههههههههههههههههههههههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

» شوربة البطاطا الحلوة مع البصل
» صور النجمة صباح على حقائب اليد تكريما لها