ارخم بنت فى العالم

في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟

ههههههههههههههههههه يحرقك يابت يارخمه ههههههههههههه انا لو منه امسك البيتزا واحطها ف وشها بنت الدزمه دى هههههههههههه

تسلم ايدك ياقمر توبيك رائع

تقبلى مرورى

هههههههههههههههههههههه دا اقل واجب يا توتا تسلمى لمروك نورتى التوبيك بس عاوزة بيتزا بالتونة بردو ولا اية اللى يجى لازم ياكل بس البنوتات بس الرجالة لا طبعا ملهوش اكل عندنا ههههههههههههههههههههههههههههههههههههههههههههه

ههههههههههههههههههههههههه البت الرخمة دى دزمة وبنت دزمة اية حرقة الدم دى دا انا هولع يا لهوى اى دة بقولك اية يا همس اعمللى وحياتك كباية ماية بالليمون [ندعوك للتسجيل في المنتدى أو التعريف بنفسك لمعاينة هذه الصورة]احسن الواحد دمة اتحرق واعملى بيتزا بس بالجبنة ولا اقولك خليها شوية كدا ولا اقولك هاتى طبقين طبق فية البيتزا وطبق فاضى اهو يمكن اكل ويمكن مااكلش

ههههههههههههههههههههههههههههههه
ايويت يا همس
انا لو مكانة
علية الطلاق ما انا جيبلها حاجة
واطلب لنفسة واقعد اقول الله طعمها حلوة
ههههههههههههههههههههههههههههههههههههههه

ههههههههههههههههههههههههه
مية مية ياهموسة
تسلمى ياكميل
تقبل مرورى
والى الامام دائما

هههههههههههههههههههههه تسلمى بس انتى جوعتينى الله انا بموووووووووووووووووت فى البيتزا بلتونه وايه رايك بقى انا هعملها بكرة واكولها لوحدى هههههههههههههههههههههههههههههههههههههههههههه ولا اقولك هجيبلك حته ولو مش كلتيها احتمال انا اجوع واكل واحتمال ما كلش لانها هتكون بردههههههههههههههههههههههههههههههههههههههههههههههه

ههههههههههههههههههههههههههههههههههههههة دا اية البت الرخمة دى دا انا اتشليت منها والله تسلمى يا جميل على التوبيك الجااااااااااامد دا

تسلمو يا قمرات لمروركم نورتونى بجد والبيتزا بقة يا سلمى هكلها متقلقيش وهى سخنة هو انا اقدر ماكلش حاجة جايباها قمراية المنتدى ومرسيى اوى لمروركم الجميل دة نورتو التوبيك

انتى الى قمرايه يا حبيبتى دة انا هجيبلك احلى بيتزا فى الدنيا علشان اجمل عيووووووووووون

ربنا يخليكى يا رب يا قمر بس مش هندى حاجة للشباب الوحشين دول

» ارخم معاكسه فى التاريخ
» اذكى بنت فى العالم
» قصة أبكت العالم