شباب مفلس وبنات بتعنس

حوكه الموجرم
زمان لما كنا نسأل العيل الصغير (نفسك تطلع إيه؟)، كان يقول (طيار، دكتور، مهندس)، بس لما يكبر ويصطدم بالواقع، يعرف أن مش كل اللي نتمناه نلاقيه.

عشان كده لما نسأل الشاب دلوقتي (نفسك في إيه؟)، تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة.
العجيب أن زمان كانت المعادلة (شاب + بنت =جواز)، دلوقتي بقت (شاب + بنات كتييير = حلم قومي اسمه الجواز ) طيب أزاي ؟ .
ما هو يا إما المشكلة في البنت أو في الشاب أو تبقي المشكلة في السواق (علي رأي عبد الوهاب في الفيلم ) .
طيب ما سألناش نفسنا ليه المعادلة أتغيرت وبقت البنات الكتير دول قاعدين من غير جواز.
بالنسبة للشاب أول ما يتخرج بيدور علي شغل ولو لقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل، لحد ما يصطدم بالواقع (تاني)، لما بيروح لبنت ويلاقي أهلها عايزين شقة زى شقة بنت ابن خالة عمها، وعايزين يفرشوا الشقة زى بنت عمة جوز أختها، وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه إسهال، وبرضو يقول لسه في أمل .
وأول الشاب ما يبدأ يتكلم و يقول: أنا نفسي اعمل لها كل ده طبعا بس .....، تلاقي أبوها وشه احمر و قال له: هو إحنا فينا من بس، وهو إيه اللي مش عجبك في اللي إحنا قلناه؟
فالشاب يرد: يعني لو ينفع أجيب شقة صغيرة بدل الخمسين اوضه وعشرين صاله، وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات) قصدي زى اللي أخت صاحبي جابتهم.
فجأة تلاقي الراجل وشه أتقلب، وبدل كلمة يا بني بقي يقول حضرتك (طبعا بتريقة مش احترام)، و يبدأ يتفتف في الكلام، وعينه تبقي احمر واسود، ولما بيبص الشاب للعروسة بنظرة استعطاف وشحاته، يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج، ومش حاسة باللي الشاب فيه .
طيب خليكوا قاعدين بقي لحد ما تكبروا وتأتبوا، وساعتها تتنازلوا وتتجوزوا أبو رجل مسلوخة

هههههههههههههههههههه

تصدقي انا حصل معايا موقف زي كده

بابا اختارلي بنت معرفهاش و لما شفتها عجبتني و عجبتها

بس المشكله مش فيا ولا فيها

المشكله في اهلها

ابن عمها و ابن خالها عايزين حاجات لما حسبتها لقيتها بحوالي 150 الف جنيه

هههههههههههه طبعا رفضت على طول

بس سبب رفضي كان الطمع مش الفلوس

موضوع مهم و المشكله الاهل والله

و كمان البنت لو بصت لغيرها هتتعب

اه والله كدا الواحد خلاص اتتحطم خالص
بلا جواز بلا نيلة
ههههههههههههه
شكرا على التوبك الجميل

اولا مرسيى اوى لمروركم الجمل دة شرفتونى ونورتو التوبيك والله
ثانيا بقى يا هاااااااااانى عندى سؤال صغير ابن عمها وابن خالها مالهم يتحشرو لية اصلا كنت قولتلهم ملكوش دعوة هههههههههههههههههههههههههههههههههههههههه

ههههههههههههههههههههههههههههههههههه
فعلا فية شباب يامة عاوزين يتجوزة
ههههههههههههههههههههههه
بس خايفين
فية بنات دلوقتى يامة
صينى
مش اصلى
هههههههههههههههههههههههههههههههههههههههههه
ربنا يستر

» شوية جد (شباب)
» يلا يا شباب قولو رأيكم
» شباب اخر الزمن